Verán 2019
Comprácenos anunciar a nosa axenda cultural para este verán, composta por dous ciclos:
“Conversas no Mosteiro”
Onde teremos a oportunidade de entrevistar e charlar con tres personaxes destacados do campo da cultura e a divulgación como son Fran Zabaleta, Miguel Sobrino e Javier Costas Goberna e dos que vos iremos contando máis detalles sobre os seus traballos nas nosas redes sociais (Facebook e Instagram) nas próximas semanas.
E “Solpor no Mosteiro”
En clave máis lúdica, ofrece pequenas e coidadas actuacións musicais para complementar o magnífico solpor do lugar en contraposición ós famosos solpores do pobo homónimo grego e así contribuír á promoción turística de Oia. O evento conta coa colaboración da adega Quinta Couselo, historicamente vinculada aos monxes do mosteiro, que ofrecerá un viño de cortesía ao público.
O obxectivo principal destes eventos é a posta en valor do Mosteiro de Oia e contribuír á difusión da súa historia e da súa realidade. Esta iniciativa deu comezo o pasado 20 de abril coa celebración da efeméride do máis importante ataque pirata sufrido, e o 17 de maio celebrando no claustro do Mosteiro o día das Letras Galegas en homenaxe a Antón Fraguas. Os eventos complementarán as visitas guiadas ao seu interior.
Esperámosvos no Mosteiro!