O pasado 12 de marzo iniciáronse novos traballos de mantemento no mosteiro. En concreto interviñéronse as cubertas do mosteiro, coa intención de frear e conter a súa deterioración; a nave norte, cuxa cuberta foi retirada o pasado ano, coa intención de colocar proteccións que eviten a filtración de auga á bóveda inferior e outras obras de reposición e limpeza de muros perimetrais que rodean os máis de 57.000 m2 de propiedade.
Con esta intervencións a propiedade confirma o seu compromiso co monumento mentres segue a traballar nas intervencións globais de carácter definitivo.