Desde 2005 o mosteiro foi accesible ao público en diferentes ocasións, como durante a celebración do 75º Aniversario da súa declaración como BIC (Ben de Interese Cultural) no ano 2006 e, despois, grazas á colaboración de ACAMO (Asociación de Amigos do Mosteiro de Oia) cuxos voluntarios mostraban o mosteiro a todo aquel que o solicitase.

2019 será o inicio dunha dinamización cultural activa e organizada contorna a visitas guiadas e diferentes eventos de valorización: charlas, talleres, concertos etc.

Para canalizar a abundante acción social do grupo creouse a Fundación Bretal que desde 2021 é a responsable de, entre outras cousas, xestionar a actividade cultural do Mosteiro.

PROGRAMACIÓN VERÁN 2025

Do 1 de xullo ao 31 de agosto. Mosteiro de oia: un verán para redescubrir

Descobre o Mosteiro de Oia e o seu xacemento arqueolóxico. Este verán, convidámosche a coñecer a historia deste lugar único a través dun percorrido ameno que combina a esencia do mosteiro coas pinceladas das investigacións en curso. Unha experiencia pensada para todos os públicos que conecta pasado e presente nunha contorna privilexiada fronte ao Atlántico.

Horarios das visitas: 

  • Martes: Visitas de balde – acompañadas, non guiadas. 
    🕙 Quendas: 10:00 | 11:00 | 12:00 | 13:00. Aforo máximo: 15 persoas por turno. 
  • De mércores a domingo: Visitas guiadas. 
    🕙 Quendas: 11:30 | 13:15 | 16:30 | 18:15. Aforo máximo: 30 persoas por turno.
CONSEGUE AS TÚAS ENTRADAS