O pasado 16 de novembro inaugurouse a mostra “Os presos do Mosteiro” na que se expoñen os famosos escritos dos presos que habitaron o Mosteiro na súa fase como cárcere durante os anos da Guerra Civil.
Estes escritos, realizados a lapis na súa gran maioría e ocultos durante máis de 80 anos en paredes de estancias da primeira planta do edificio, pasaron por un importante proceso de restauración que permite agora a súa contemplación polo público xeral no marco das visitas guiadas ao monumento.
HORARIO DAS VISITAS GUIADAS AO REAL MOSTEIRO DE OIA
Tempada baixa (1 de outubro – 15 de decembro)
Fins de semana e festivos
Mañás: 11:30 e 12:30
Tardes: 16:00 e 17:00
Entradas dispoñibles na nosa web e no propio mosteiro ata esgotar aforo.
- Duración da visita: 1 hora aproximadamente.
- A visita inclúe o acceso á exposición.
- A propiedade resérvase o dereito de cancelación das visitas en condicións meteorolóxicas adversas, do cal se informará tanto ás persoas que reservasen a súa entrada a través da web como a través das nosas redes sociais (Facebook e Instagram).
- O luns, día de acceso gratuíto ao monumento, non se inclúe o acceso á exposición, posto que a visita neste día non é guiada.